Во ски центарот “Нижополе” отпочнати  се активности за припреми на зимската сезона.

      За таа цел се врши  чистење и проширување на скијачките патеки, како и чистење на каналите за одводнување на патеките.

ЈП “Стрежево” презеде активности за чистење на речното корито на река Шемница, што е прво вакво чистење во последнава деценија, со цел зголемување на пропусната моќ на реката.

Во просториите на ЈП Стрежево се одржа редовна крводарителска акција која ја организира ЈП Стрежево, Институтот за трансфузиона медицина од Битола и општинската организација на Црвениот Крст Битола.

Со цел изнаоѓање на најсоодветно техничко решение за реконструкција на системот за динамичка регулација, ЈП "Стрежево" воспостави техничка соработка со "Искра"-Словенија.

Деновиве во посета на ЈП "Стрежево" е делегација од "Искра", со цел разгледување на постојниот систем, и ова е втора средба помеѓу стручните тимови на двете фирми. Имено, кон крајот на месец септември, тим од "Стрежево" беше во посета на Словенија,  со цел разгледување на функционални системи за динамичка регулација.

Техничкото решение ќе се изработи до крајот на 2016 година, а неговата реализација ќе започне од наредната година. Вредноста на инвестицијата се планира да биде во износ од еден милион евра.