Вработените од Јавното претпријатие "Стрежево" - Битола во интерес на земјоделците, предсезоната за наводнување ја одбележуваат со работни активности на деталната цевководна мрежа.

Битолските земјоделци ова лето нема да имаат проблем со наводнувањето на земјоделските површини.

Состојбата на акумулацијата Стрежево е поволна и има доволна количина на вода за правилно, доволно и навремено залевање на земјоделските култури.

Јавното претпријатие "Стрежево" - Битола со цел да даде што поголем придонес во борбата против ширењето на вирусот Ковид 19 во нашата земја, во еден исклучително тежок период на глобално ниво, период кога хигиената и користењето на водата претставува основна превенција за заштита од зарази, се одлучи да започне со бесплатна испорака на технолошка вода, првенствено за потребите на комуналните претпријатија на општините кои гравитираат кон хидросистемот "Стрежево", односно општините Битола, Новаци и Могила.

Согласно одлуките на Владата за превенција од ширење на Ковид 19, Јавното претпријатие "Стрежево" - Битола се приклучи на иницијативата за спречување на ширењето на вирусот.